‘भगवत् गीता’ को छायांकन सुरु

काठमाडौँ । झरना थापाको निर्देशन रहने फिल्म ‘भगवत् गीता’ को छायांकन सुरु भएको छ । शुक्रबार जनकपुरधामको राम मन्दिरमा पूजा गर्दै फिल्मको छायांकन सुरु गरिएको हो । फिल्मको छायांकन पनि जनकपुर आसपासका स्थानमा २० दिन र त्यसपछि काठमाडौँ र मनाङमा छायांकन हुनेछ ।

फिल्ममा धिरज मगर र सुहाना थापाको मुख्य भूमिका रहनेछ । छायांकन अगाडि फिल्मको एकसाता जानकी मन्दिर क्षेत्रमा कलाकारले रिहर्सल समेत गरेका थिए ।