मृत अवस्थामा फेला

काठमाडौं, १३ कात्तिक

रूपन्देही, बुटवल उपमहानगरपालिका-११ देविनगरस्थित चुलो फ्याक्ट्रीमा विगत ४ वर्षदेखि लेबर काम गरी बस्ने भारत रायवन्दली घर भएका १९ वर्षीय लवकुमार सिहराजकुत सोही फ्याक्ट्रीको बन्द कोठाभित्र शनिबार मृत अवस्थामा फेला परेका छन् ।      रामेछाप, खाँडादेबी गाउँपालिका-१ चापाबोट बस्ने ६० वर्षीय भोला श्रेष्ठ सोही ठाउँस्थित कुसुमको बोट भन्ने स्थानमा शनिबार मृत अवस्थामा फेला परेका छन् ।

पाँचथर, फाल्गुनन्द गाउँपालिका-७ हेलाङ बस्ने ६३ वर्षीया बाल कुमारी नेम्वाङ सोही ठाउँस्थित हेलाङ खोल्सामा शनिबार मृत अवस्थामा फेला परेकी छिन् ।

दैलेख, गुराँस गाउँपालिका-६ रानीवन बस्ने ६७ वर्षीय दल बहादुर पुन आफ्नै घर नजिकै खेतमा आइतबार मृत अवस्थामा फेला परेका छन् ।

यस सम्बन्धमा प्रहरीले थप अनुसन्धान गरिरहेको छ ।