मृत अवस्थामा फेला

काठमाडौं, २८ साउन

पाल्पा, रामपुर नगरपालिका-५ मटेरी बस्ने ५५ वर्षीय मन बहादुर सुनार आफ्नै घर नजिक सडक छेउमा शुक्रबार मृत अवस्थामा फेला परेका छन् ।

महोत्तरी, पिपरा गाउँपालिका-१ ढेकहागाउँ बस्ने ४५ वर्षीय ओपिन्द्र महतो सोही ठाउँस्थित शिव मन्दिर नजिकै शुक्रबार मृत अवस्थामा फेला परेका छन् ।

धनकुटा, महालक्ष्मी नगरपालिका-५ स्थित लेगुवा खोलामा सोही ठाउँ बस्ने ४५ वर्षीय जिवन भण्डारी शुक्रबार मृत अवस्थामा फेला परेका छन् ।

झापा, बिर्तामोड नगरपालिका-५ पाथिभरा टोलस्थित पिपलको रुखको फेदमा हाल नाम, थर, वतन नखुलेका अन्दाजी ४० वर्षीय पुरुष शनिबार मृत अवस्थामा फेला परेका छन् ।

मकवानपुर, बागमती गाउँपालिका-१ बोटगाउँस्थित राईगाउँ भित्री सडक छेउमा सोही ठाउँ बस्ने ५५ वर्षीया दम कुमारी राई शुक्रबार मृत अवस्थामा फेला परेकी छिन् ।

यस सम्बन्धमा प्रहरीले थप अनुसन्धान गरिरहेको छ ।