आईपीएलमा गुजरातले पञ्जाबलाई ३ विकेटले हरायो

काठमाडौं— साई किशोरको घातक बलिङको मद्दतले आईपीएलमा गुजरात टाइटन्सले पञ्जाबलाई ३ विकेटले पराजित गरेको छ। पञ्जाबले प्रस्तुत गरेको १ सय ४३ रनको लक्ष्य गुजरातले ५ बल अगावै ७ विकेटको क्षतिमा पछ्यायो।

गुजरातका लागि राहुल तेवाटियाले नटआउट ३६ रन बनाएर टोलीलाई जितसम्म डोर्‍याए। उनले मात्र १८ बलमा ७ चौका प्रहार गरे। कप्तान शुभमन गिलले ३५ रन तथा साई सुदर्शनले ३१ रनको योगदान दिए।