काठमाडौं – भारतका चर्चित गायक अरिजित सिंहले ‘प्लेब्याक सिंगिङ’बाट सन्न्यासको घोषणा गरेका छन् । नयाँ वर्षको अवसरमा एक सन्देश जारी गर्दै उनले आफूलाई माया गरेकोमा दर्शकहरूलाई धन्यवाद दिएका छन् ।
फेसबुकमा एक पोस्ट गर्दै सिंहले यस्तो घोषणा गरेपछि सिंहको व्यापक चर्चा भइरहेको छ । बीबीसीका अनुसार पछिल्ला वर्षहरूमा उनले एकपछि अर्को हिट गीत गाएका बीबीसीले उल्लेख गरेको छ ।
“तपाईंहरू सबैलाई नयाँ वर्षको शुभकामना । म तपाईं सबै स्रोतालाई धन्यवाद दिन चाहन्छु, जसले यति वर्षदेखि मलाई माया दिनुभयो,” सिंहले लेखेका छन्, “म यो भन्न चाहन्छु कि अबदेखि म प्लेब्याक सिंगरका रूपमा कुनै नयाँ काम लिनेछैन । म यसलाई अन्त्य गर्न चाहन्छु । यो यात्रा एकदमै सुन्दर रह्यो ।”
पश्चिम बंगालको मुर्शिदावादमा जन्मिएका सिंहले हिन्दी, बंगला, मराठीलगायत भाषामा गीत गाएका छन् । उनले ७०० भन्दा बढी गीतमा स्वर दिएका केही मिडिया रिपोर्टमा दाबी गरिएको छ ।
बलिउडमा भने उनले सन् २०११ मा आएको फिल्म ‘मर्डर-२’ बाट गायन यात्रा सुरु गरेका हुन् । ‘फिर मोहब्बत करने चला है’ आज पनि निकै चर्चित गीत हो ।
त्यस्तै बोर्डर-२ को ‘घर कब आओगे’ मा पनि उनले आफ्नो स्वर दिएका थिए । त्यस्तै आगामी महिना रिलिज हुने तयारीमा रहेको ओ रोमियोको ‘हम तो तेरे ही लिए थे’ गीतमा पनि उनले स्वर दिएका छन् ।
