अनेसास अध्यक्ष पौडेललाई काठमाडौँमा स्वागत

२६ फाल्गुन २०७८, काठमाडौँ,  अन्तर्राष्ट्रिय नेपाली साहित्य समाज (अनेसास) का केन्द्रीय अध्यक्ष प्रकाश पौडेल माइला तथा वरिष्ठ उपाध्यक्ष गोवर्धन पूजालाई नेपाल शाखाले स्वागत गरेको छ । पौडेल जापानबाट र पूजा अमेरिकाबाट नेपाल आएको अवसरमा अनेसास, नेपाल शाखाले विशेष कार्यक्रम राखेर उहाँहरूले स्वागत गरेको हो ।

त्यसैगरी अनेसास अमेरिकाका उपाध्यक्ष राजेन्द्र श्रेष्ठलाई पनि नेपाल शाखाले स्वागत गरेको छ । कार्यक्रममा केन्द्रीय सदस्य रेणुका सोलु र नेपाल शाखाकी अध्यक्ष सन्ध्या पहाडीले तीनै जना आगन्तुकहरूलाई स्वागत गर्नुभएको थियो ।

कार्यक्रममा नेपाल शाखाका उपाध्यक्ष राजेन्द्र केसी र महासचिव ऋषभदेव घिमिरेलगायतले नेपाल शाखाले गर्दैआएका कामहरूका विषयमा जानकारी दिनुभएको थियो । उक्त कार्यक्रममा समाजका आजीवन सदस्यहरूको समेत उपस्थिति रहेको थियो ।