आईपीएलः गुजरातमाथि राजस्थानको रोमाञ्चक जित

काठमाडौं– इन्डियन प्रिमियर लिग (आईपीएल) अन्तर्गत राजस्थान रोयल्सले गुजरात टाइटन्सलाई ६ रनले पराजित गरेको छ। शनिबार अहमदाबादस्थित नरेन्द्र मोदी स्टेडियममा भएको रोमाञ्चक खेलमा राजस्थान विजयी भयो।
टस जितेर पहिले ब्याटिङ गरेको राजस्थानले २० ओभरमा ६ विकेट गुमाएर २१० रन बनाएको थियो। टोलीका लागि यशस्वी जैसवालले ५५ रन र ध्रुव जुरेल ७५ रनको उत्कृष्ट अर्धशतकीय पारी खेले।जवाफमा गुजरात टाइटन्स २० ओभरमा ८ विकेट गुमाएर २०४ रनमै सीमित भयो। उसका लागि साई सुदर्शनले ७३ रनको राम्रो योगदान दिए पनि टोलिको हार टार्न सकेनन्।
गुजरातको दमदार सुरुवात
२११ रनको विशाल लक्ष्य पछ्याएको गुजरातले उत्कृष्ट सुरुवात गरेको थियो। कुमार कुशाग्र र साई सुदर्शनले पहिलो विकेटका लागि ७.६ ओभरमा ७८ रनको साझेदारी गरे।कुशाग्र १८ रनमा आउट भए पनि सुदर्शनले आक्रामक ब्याटिङ जारी राखे। उनले ४४ बलमा ७३ रन बनाए, जसमा ९ चौका र ३ छक्का समावेश थिए।जोस बटलरले १४ बलमा २६ रन बनाए तर ठूलो पारी खेल्न सकेनन्। ग्लेन फिलिप्स ३ रनमै आउट भए भने वासिङ्टन सुन्दरले ४ रन मात्रै जोडे। राहुल तेवतियाले १२ रन र शाहरुख खानले ११ रन बनाए।अन्तिम ओभरहरूमा राशिद खान र कगिसो रबाडाले ३० बलमा ४३ रनको तीव्र साझेदारी गर्दै खेललाई रोमाञ्चक बनाए।
राशिदले १६ बलमा २४ रन बनाए भने रबाडा १६ बलमा २३ रन बनाएर अविजित रहे। तर अन्तिम दुई ओभरमा जोफ्रा आर्चर र तुषार देशपाण्डेको उत्कृष्ट बलिङले खेल राजस्थानतर्फ मोडियो।
अन्तिम ओभरको रोमाञ्च
अन्तिम ओभरमा गुजरातलाई जितका लागि १० रन आवश्यक थियो।
पहिलो बल (वाइड) ६ बलमा १० रन
पहिलो बल रबाडाले १ रन (५ बलमा ९ रन)
दोस्रो बल राशिद १ रन (४ बलमा ८ रन)
तेस्रो बल १ रन (३ बलमा ७ रन)
चौथो बल डट बल (२ बलमा ७ रन)
पाँचौं बल (विकेट)
राशिद खान आउट
अन्तिम बल कुनै रन बनेन
यसरी राजस्थानले ६ रनले जित हात पार्यो।यसअघि पहिले ब्याटिङ गरेको राजस्थानले दमदार सुरुवात गरेको थियो। यशस्वी जैसवाल र वैभव सूर्यवंशीले पहिलो विकेटका लागि ६.२ ओभरमा ७० रन जोडे।
वैभवले १८ बलमा ३१ रन बनाए भने जैसवालले ३६ बलमा ५५ रनको उत्कृष्ट पारी खेले।तेस्रो नम्बरमा आएका ध्रुव जुरेलले ४२ बलमा ७५ रनको शानदार पारी खेले। उनले ५ चौका र ५ छक्का प्रहार गरे।शिमरन हेटमायरले ८ बलमा १८ रन जोडे भने कप्तान रियान पराग ८ रनमै आउट भए। रविन्द्र जडेजा ७ रनमा अविजित रहे।जुरेल र जायसवालको उत्कृष्ट प्रदर्शनका कारण राजस्थानले २१० रनको बलियो स्कोर बनाउन सफल भयो। गुजरातका लागि कगिसो रबाडाले सर्वाधिक २ विकेट लिए।