केयूको ‘बी टेक एड ईन आईटी’ विषयमा भर्ना खुल्यो, यसरी दिनुहोस् आवेदन

काठमाडौं । काठमाडौं विश्वविद्यालयले ब्याचलर अफ टेक्निकल एजुकेसन इन इन्फर्मेसन टेक्नोलोजी (बी टेक एड ईन आईटी) का लागि भर्ना खुला गरेको छ ।

विश्वविद्यालयको केन्द्रीय विभाग र आङ्गिक क्याम्पसहरूमा सेमेस्टर परीक्षा प्रणालीअन्तर्गत पठनपाठन हुने यो चार वर्षे शैक्षिक कार्यक्रमका लागि स्कुल अफ एजुकेसनले भर्ना प्रक्रिया थालेकाे हाे ।

यसअन्तर्गत इच्छुक विद्यार्थीले असार १४ सम्म यहाँ क्लिक गरी अनलाइन फारम भरेर आवेदन दिन सक्नेछन् ।

विश्वविद्यालयले साउन २२ देखि कक्षा सञ्चालन गर्ने तालिका राखेको छ । कक्षा १२ मा सबै विषयमा ‘डी प्लस’ अथवा १.८ सीजीपीए ल्याएका विद्यार्थीले यस शैक्षिक कार्यक्रमका लागि आवेदन दिन पाउनेछन् ।