साहित्यकार राधेश्याम लेकाली सम्मानित

अनेसासका पूर्व अध्यक्ष तथा साहित्यिक पत्रकार संघका अध्यक्ष साहित्यकार राधेश्याम लेकालीलाई हिजो माउन्ट ग्लोरी इनटरनेसनल बोडिङ हाई स्कुल, बसुन्धरा, काठमाडौंले सम्मान गर्‍यो । नेपाली साहित्य सिर्जना र संस्थागत योगदानको लागि सो सम्मान प्रदान गरिएको हो ।

लेकालीलाई सो सम्मान पूर्व राजदूत एवं पूर्व प्रमुख निर्वाचन आयुक्त सूर्यप्रसाद श्रेष्ठले प्रदान गर्नु भएको हो । राष्ट्रिय नाचघरमा आयोजित स्कुलको वार्षिक अभिभावक दिवसको अवसरमा विद्यार्थीहरुले विभिन्न सांस्कृतिक कार्यक्रमकहरु प्रस्तुत गरेका थिए । स्कुलका प्रमुख गणेश श्रेष्ठले कार्यक्रमको उदेश्य र महत्व माथि प्रकाश पार्दै स्वागत मन्तव्य राख्नु भएको सो कार्यक्रममा वरिष्ठ साहित्यकार डा. शैलेन्दुप्रकाश नेपाल, लात्भियाका लागि अबैतनिक वाणिज्यदूत करण बैद्य , डा. गरिमा श्रेष्ठ, समाजसेवी लक्ष्मी शर्मा, सर्जक जीवन श्रेष्ठ तथा विभिन्न स्कुलका प्रमुख लगायत अभिभावक र विद्यार्थीहरुको बाक्लो उपस्थिति रहेको थियो ।