काठमाडौं — नेपाली कांग्रेसका सभापति शेरबहादुर देउवाले कार्यवाहक सभापति पूर्णबहादुर खड्काको प्रस्ताव सबैको सहमतिको भएको भन्दै मानेर जान टिमलाई सहमत गराएका छन् । संस्थापन टिम अब आउँदो पुसमा नियमित महाधिवेशन गर्ने कार्यतालिकामा सहमत भएको छ ।
सोमबार (मंसिर १५) बिहान सानेपामा खड्काले संस्थापनका केही नेतासामु यही प्रस्ताव राखेका थिए । तर, उनीहरूले त्यसनिम्ति विशेष महाधिवेशनको प्रस्ताव फिर्ता हुनुपर्ने सर्त राखेका थिए ।
खड्कासँग ‘कुरा मिलेन’, देउवा निवासमा संस्थापन पक्षको बैठक
त्यसपछि सहमतिमा पुग्न देउवाले केही नेतालाई काठमाडौंको महाराजगन्जस्थित आफ्नो निवासमा बोलाएका थिए ।
“सभापतिज्यूले नै पुसको नियमित महाधिवेशन कार्यतालिकामा सहमति जनाउन भनेपछि हामीले उहाँकै विश्वास र भरोसामा मान्छौँ भनेका छौँ,” भेटमा सहभागी नेता विमलेन्द्र निधिले बाह्रखरीसँग भने, “हामी अहिले उहाँको सम्मानमा यो प्रस्तावमा सहमति जनाउँदै छौँ ।”
