गुल्सनको ५ विकेटसँगै ओमानविरुद्ध नेपालको शानदार जीत

काठमाडौं – आईसीसी लिग २ अन्तर्गतको नेपाल ओमानविरुद्ध ८१ रनले विजयी भएको छ ।कीर्तिपुरमा सम्पन्न खेलमा नेपालले दिएको २५७ रन पछ्याउने क्रममा ओमान ३९ ओभरमा १७५ रनमा समेटिएपछि नेपाल विजयी भएको हो ।नेपालका लागि गुल्सन झाले शानदार ५ विकेट हात पारेका थिए ।
त्यसअघि आशिफ शेखको ९४ रन र अर्जुन कुमालको ४८ रनको मद्दतले नेपालले ४९.५ ओभरमा २५६ रन बनाएको थियो ।नेपालले कीर्तिपुरमा पहिलोपटक ओमानलाई पराजित गरेको हो ।ओमानका लागि विनायक शुक्लले ३६ रन बनाएका थिए भने हमाद मिर्जाले ३४ रन बनाएका थिए । त्यस्तै असनैन उल वाहले २९ रन बनाउँदा हसैन शाहले १४ रन बनाएका थिए ।नेपालका लागि सन्दीप लामिछाने, करण केसी र दिपेन्द्र सिंह ऐरीले १र१ विकेट लिएका थिए ।
लिगमा नेपालले यससँगै २४ खेलमा १८ अंकसहित लिगको सातौं स्थानमा रहेको छ भने ओमानले २८ खेलसहित ३१ अंकसहित लिगको तेस्रो स्थानमा रहेको छ ।
यसअघिको खेलमा नेपाल ओमानसँग १०२ रनले पराजित भएको थियो।