साहित्यकार पवन आलोकलाई ‘लीलाध्वज थापा स्रष्टा सम्मान ’

काठमाडौं । मदन पुरस्कार प्राप्त उपन्यासकार लीलाध्वज थापाको नाममा स्थापित ‘लीलाध्वज थापा स्रष्टा सम्मान’द्धारा वरिष्ठ साहित्यकार एवं नेपाल स्रष्टा समाजका संरक्षक पवन आलोकलाई सम्मान गरिने भएको छ ।
नेपाली भाषा साहित्यमा उल्लेख्य योगदान गरेकोमा पवन आलोकलाई उक्त सम्मान प्रदान गरिन लागेको लीलाध्वज थापा स्मृति प्रतिष्ठानका अध्यक्ष एवं साहित्यकार विजयध्वज थापाले जानकारी दिए ।
ताम्रापत्र सहित नगद रु १० हजारद्धारा आलोकलाई उक्त सम्मान आगामी पुष २७ गते शनिबार कार्यक्रममा उक्त सम्मान गरिने भएको छ ।

उक्त अबसरमा त्रैमासिक रचना बाचनको कार्यक्रम समेत राखिएको आयोजकले जानकारी दिए ।
कार्यक्रम अपरान्ह १२.१५ बजे बाल नमूना (चिल्ड्रेन मोडल) स्कूल बालुवाटारमा हुनेछ ।