काठमाडौँ – जारी युद्धको प्रभाव खाडी क्षेत्रसम्म पुगेको भन्दै सरकारले त्यहाँ रहेका नेपाली नागरिकको सुरक्षाबारे चासो बढाएको छ। आवश्यकता परे खाडी मुलुकहरूमा अलपत्र परेका नेपालीलाई साउदी अरेबिया हुँदै नेपाल फर्काउने तयारी भइरहेको संकेत सरकारले दिएको छ।
परराष्ट्र मन्त्रालयले सम्भावित जोखिमलाई ध्यानमा राख्दै खाडीका विभिन्न देशमा रहेका नेपालीहरूको विवरण संकलन सुरु गरेको जनाएको छ। आपतकालीन अवस्थामा उद्धार तथा व्यवस्थापन गर्न सजिलो होस् भन्ने उद्देश्यले तथ्यांक संकलन थालिएको हो।
मन्त्रालयले सम्बन्धित देशमा रहेका नेपाली दूतावासहरूलाई पनि सतर्क रहन तथा नेपाली नागरिकसँग निरन्तर सम्पर्कमा रहन निर्देशन दिएको बताइएको छ।
सरकारले परिस्थितिलाई नजिकबाट नियालिरहेको बताउँदै आवश्यक परे उद्धार तथा स्वदेश फर्काउने व्यवस्था मिलाइने जनाएको छ।
