प्रेस चौतारी नेपालबाट ११ पत्रकार पुरस्कृत

काठमाडौं । प्रेस चौतारी नेपालले ११ जना पत्रकारलाई पुरस्कृत गर्ने भएको छ ।चौतारीका महासचिव हिरामान लामाले बक्तव्य जारी गरी पुरस्कृत पत्रकारहरुको नामावली सार्वजनिक गरेका छन् । बक्तव्य अनुसार हृदयचन्द्रसिंह प्रधान स्मृति पत्रकारिता पुरस्कार मातृका पौडेललाई दिइने भएको छ ।
अग्निशिखा स्मृति पत्रकारिता पुरस्कार हेमन्त पौडेललाई, डा.शान्ति पाण्डे प्रेस चौतारी नेपाल राष्ट्रिय महािल पत्रकारिता पुरस्कार शान्ति गुरुङलाई, विरेन्द्रकुमार साह क्रियाशील पत्रकारिता पुरस्कार लालबाबु शेख र रिमा सोमैलाई दिइने भएको छ ।
यस्तै डेकेन्द्र थापा स्मृति पत्रकारिता पुरस्कार टपेन्द्र कार्कीलाई, सावित्रीदेवी–पद्यलक्ष्मी बस्नेत स्मृति पुरस्कार उषा तामाङ र मालती केसीलाई संयुक्त रुपमा दिने चौतारीले निर्णय गरेको छ । चन्द्र न्यौपाने–शान्तिराम कार्की स्मृति पत्रकारिता पुरस्कार गार्डेन राई र हरिश चन्दलाई दिने निर्णय भएको महासचिव लामाले जनाएका छन् ।