आधुनिक गीतीसंग्रह ‘मधुमास’ लोकार्पण

संगीतकार सन्तोष श्रेष्ठको एकल संगीतमा रहेको तथा गीतकार नरेश खड्का, प्रकाश के. सी, प्रबल बिष्ट, खड्ग विवस बी.सी, सुशील पुन बिरही र अभि क्षेत्री समर्पणको शब्द रचनामा र रामकृष्ण ढकाल प्रमोद खरेल, अन्जु पन्त, प्रविशा अधिकारी। पूर्णिमा लामा रचना रिमाल, प्रवीण बेडवाल र अनन्त के.सीको सुमधुर स्वरमा रहेको आधुनिक गीतीसंग्रह ‘मधुमास’को राप्ती साहित्य परिषद्को आयोजनामा विमोचन गरियो । राप्ती साहित्य परिषद् केन्द्रका अध्यक्ष टीकाराम उदासीको अध्यक्षतामा सम्पन्न भएको थियो । कार्यक्रमका प्रमुख अतिथि साहित्यकार नारायण नेपाल हुनुहुन्थ्यो भने उक्त गीतीसंग्रहमा रहेका गीतहरुको समीक्षा नेपाल पत्रकार महासंघ दाङ शाखाका अध्यक्ष दुर्गालाल के.सीले गर्नुभएको थियो । गीतकार प्रकाश के.सीको स्वागत मन्तव्यबाट सुरु भएको कार्यक्रममा संगीतकार सन्तोष श्रेष्ठले आफ्नो कुरा राख्नुभएको थियो । कार्यक्रमको सहजीकरण राप्ती साहित्य परिषद् केन्द्रका वरिष्ठ उपाध्यक्ष कमलमणि देवकोटाले गर्नुभएको थियो ।