हुम्लाका सिमकोट लगायतका क्षेत्रमा हिमपात

हुम्ला । गएराति हुम्लाको सदरमुकाम सिमकोटमा सिजनको पहिलो हिमपात भएको छ ।हिमपातका कारण सिमकोटबाट हिल्सा र लिमी जाने सडक बन्द भएको छ । यस्तै उड्डयन सेवासमेत प्रभावित भएको नेपाल नागरिक उड्डयन प्राधिकरण हुम्लाले जनाएको छ ।हिँउ परेपछि चिसो बढेको छ । अहिले त्यहाँको तापक्रम माइनस दुई डिग्री सेल्सियस छ । किसानहरु भने बाली सप्रने भन्दै खुसी भएका छन् ।