यूएनडीपीद्वारा आयोजित राष्ट्रिय कविता प्रतियोगितामा किशोर आचार्य प्रथम

काठमाडौं । संयुक्त राष्ट्रसंघीय विकास कार्यक्रम (यूएनडीपी)द्वारा आयोजित राष्ट्रिय कविता प्रतियोगितामा कर्णाली प्रदेशका किशोर आचार्य प्रथम भएका छन् । कालीकोटको शुभकालिका गाउँपालिका–६ स्थित चन्द्र सूर्य माध्यमिक विद्यालयमा कक्षा–१० मा अध्ययनरत आचार्यको ‘न्यायको खोजी’ शीर्षकको कविता पहिलो भएको हो ।
प्रतियोगितामा मधेस प्रदेशकी प्रीति अधिकारी दोस्रो र लुम्बिनी प्रदेशकी अञ्जली लामा तेस्रो भए । सातै प्रदेशका प्रथम स्थान हासिल गरेका विद्यार्थी प्रतियोगीबीच ललितपुरमा अन्तिम प्रतिस्पर्धा गराइएको थियो ।