काठमाडौं । प्रधानमन्त्री केपी शर्मा ओलीले विश्वासको मत पाउनुभएको छ ।प्रतिनिधिसभाको बैठकमा प्रधानमन्त्री ओलीले पेस गरेको विश्वासको मतसम्बन्धी प्रस्तावको पक्षमा १ सय ८८ सांसदको समर्थन जुटेको हो । जम्मा २ सय ६३ सांसद प्रतिनिधि सभाको बैठकमा आज उपस्थित रहेकोमा प्रधानमन्त्री ओलीको विपक्षमा ७४ र उहाँलाई मत दिन्न भन्ने पक्षमा १ मत परेको हो ।
संसद्का दुई ठूला दल नेपाली कांग्रेस र नेकपा एमाले मिलेर नयाँ सरकार बनाउने भन्दै ७ बुँदे सहमति गरेसँगै पुष्पकमल दाहाल नेतृत्वको यसअघिको सरकारलाई दिएको समर्थन एमालेले फिर्ता लिएको थियो । अल्पमतमा परेका दाहालले राजीनामा नदिई सदनमै विश्वासको मतको सामना गर्ने विकल्प रोज्नुभयो तर उहाँले प्रतिनिधिसभाबाट विश्वासको मत पाउन असफल हुनुभयो ।
त्यसपछि असार ३१ गते प्रधानमन्त्रीको पदभार सम्हाल्नुभएका ओलीले आज विश्वासको मत मतसम्बन्धी प्रस्ताव प्रतिनिधिसभामा पेस गर्नुभएको हो ।
संसद् बैठकमा विश्वासको मत सम्बन्धी प्रस्ताव पेस गर्दै प्रधानमन्त्री ओलीले राष्ट्रिय सहमतिमै संविधान संशोधन गर्ने बताउनुभयो । उहाँले संविधान निर्माण गर्दा सबै राजनीतिक दल एक ठाउँमा उभिएको स्मरण गर्दै उहाँले संशोधन पनि सहमतिमै गरिने स्पष्ट पार्नुभयो ।
प्रधानमन्त्री ओलीले मिलेर गरेको आन्दोलनकै बलमा संविधान बनाइएको र यसलाई कसैले सिद्ध्याउन नसक्ने पनि बताउनुभयो । मुलुकमा भएको निराशा हटाउन र देशलाई आर्थिक वृद्धिको दिशामा लैजान अहिलेको सरकार बनेको उहाँको भनाइ छ । त्यसका लागि अहिलेको सरकारले ५ वटा विषयलाई प्राथमिकतामा राखेको पनि जानकारी दिनुभयो । सुशासन र भ्रष्टाचार नियन्त्रण सरकारको मुख्य प्राथमिकता रहेको पनि उहाँले बताउनुभयो । प्रतिनिधिसभाको अर्को बैठक साउन ७ गते दिउसो १ बजे बस्नेछ ।
Trending Now
- Nepal Floods | Death toll rises to 170 after torrential rainfall-induced landslide and flooding sweeps across the country
- Players to earn Rs 7.5 lakh per game in IPL 2025: BCCI secretary Jay Shah
- Anil Kapoor Shines at IIFA 2024, Wins Best Supporting Actor for Animal
- India to build 12 high-impact Nepal projects
- SpaceX crew blasts off to bring back stranded astronauts after Hurricane delay
- IDF Kills Senior Hezbollah Commander Nabil Qaouk in Beirut Airstrike
- Water levels in rivers across Nepal exceed danger mark
- Domestic flights, which had been disrupted for three days, are now back to regular operations
- Death toll from floods and landslides reaches 148
- Korean startup Dtonic, winner of the first edition of South Summit Korea 2024
Comments are closed.