सुप्रिम सहकारी रकम अपचलन : रविविरुद्ध ८ करोड ३५ लाख बिगो

काठमाडौं । सुप्रिम सहकारीको रकम अपचलनमा रवि लामिछानेसँग ८ करोड ३५ लाख बिगो मागदाबी गरिएको छ ।रुपन्देही जिल्ला अदालतका अनुसार आइतबार पूरक र थप अभियोग गरेर ४२ जनाविरुद्ध मुद्दा दर्ता भएको थियो ।
जसअनुसार सरकारी वकिल कार्यालयको अभियोजन पत्रमा लामिछानेसँग ८ करोड ३५ लाख बिगो मागदाबी गरिएको हो ।‘…लामिछाने गोरखा मिडिया नेटवर्क प्रालिको सञ्चालक शेयर धनी रहेको अवस्थामा सहकारीबाट ८ करोड ९९ लाख ३६ हजार रुपैयाँ प्रालिमा गएको खुलेको छ,’ लामिछानेविरुद्धको अभियोग पत्रमा उल्लेख छ ।
साथै ८ करोड ३३ लाख ६ हजारमा समेत उनको सामूहिक दायित्वमा रहेको अभियोगपत्रमा उल्लेख छ।