विश्व कविता आन्दोलनको पहिलो एसियाली महासम्मेलन २०२३ आयोजना हुने

विश्व कविता आन्दोलनको पहिलो ‘एसियाली महासम्मेलन’ २०२३ फेब्रुअरी २५–२६ मा आयोजना हुने भएको छ । ग्रिनविच मिन टाइम ५ः०० बजे शुरु हुने उक्त महासम्मेलन एसियाली कविताको अध्ययन र प्रचार गर्ने, एसियाली कवितालाई विश्व कविता परिप्रेक्षमा चित्रित गर्ने र एसिया महादेशका काव्यिक शक्तिहरूलाई एकताबद्ध गराउने हेतुले आयोजना गरिने भएको हो । काव्यात्मक क्रियाशीलतालाई परिभाषित गर्दै र अन्तरसाँस्कृतिक संवादद्वारा “माइग्रेशन फ्रम डेथ टु लाइफ” मा योगदान र्पुयाउनु र अन्यायमा परेकाहरूका लागि वकालत गर्नु सो महासम्मेलनको उद्देश्य रहेको कुरा हामीलाई प्राप्त सन्देशमा उल्लेख छ ।
‘विश्व कविता आनेदोलन’को पहिलो ‘एसियाली महासम्मेलन’मा भाग लिने महादेश र राष्ट्रलाई प्रतिनिधित्व गर्न संयोजकहरूका सूची यस प्रकार रहेका छन् ।
सु जु, चाइना, रती सक्सेना, भारत, केशव सिग्देल नेपाल, भदिम तेरेखिन,रुस, निगर हसन जदे,अजरबैजान, क्वाम्रूजमान स्वपन, बङ्गलादेश, जिदी मजिआ चाइना, से यासिन चिप्रे, कम्रान मिर हजार, हजारिस्तान, नहिद कबिरी,इरान, अब्दुल हदी सदुउन इराक, केजिरो सुगा जापान, एली एल एमेरी जोर्डान, उलुग्वेक एस्दउकेटोभ कजाकिस्तान, अलटिने तेमिरोभा किर्जिस्तान, एनटोनी बुउलाड लेबनान, शिभानी सिभगुरुनथान मलेसिया, इमदाद आकाश पाकिस्तान, हनन अवाद पेलेस्टाइन, मर्रा लनोट फिलिपिन्स, सल ए जमनन, साउदी अरब, शिरानी राजापाक्से, श्री लङ्का, लिना टिबी सिरीया, कोशिमोभ अब्दुल्खोर सतरोभिच् ताजकिस्तान, अदेल खोसम,संयुक्त अरब अमीरात, खोस्यात रुस्तम उज्बेकिस्तान, मोहम्मद एल–लजी, यमेन र मइ भन फान भियतनाम । यो लिस्टमा नेपालबाट केशव सिग्देल रहनु हुने कुरा उल्लेख छ ।
महादेशीय र राष्ट्रिय संयोजकहरूले काव्यात्मक कार्य, योजना, कार्यक्रम, कविता, र महादेशमा ‘विश्व कविता आन्दोलन’ को उपस्थिति प्रवद्र्धन गर्न सुझावहरू सहित राष्ट्र स्तरका रिपोर्टहरू प्रस्तुत गर्नेछन्।् ।
‘विश्व कविता आन्दोलन’को सम्मेलन भर्चुअल रूपमा हुनेछ । यस सम्मेलनको गतिविधिहरू भेनेजुएलाको विश्व कविता महोत्सव र मेडेलिनको अन्तर्राष्ट्रिय कविता महोत्सवको नेटवर्कहरूद्वारा प्रत्यक्ष प्रसारण गरिनेछन् ।
‘विश्व कविता आन्दोलन’, कवि र साहित्यसँग सम्बन्धित संस्थाहरूको विश्वव्यापी संयोजक हो, जसमा १५० राष्ट्रका ३,००० भन्दा बढी कविहरू, अन्तर्राष्ट्रिय कविता महोत्सवहरू, शैक्षिक परियोजनाहरू, र वर्लड पोएट्री आन्दोलनसँग समन्वय गरी कविता प्रकाशन गृहहरू समावेश छन्।् ।
यस एसियाली महासम्मेलनमा अन्तराष्ट्रिय स्तरमा ख्यातीप्राप्त कविहरूको समेत उपस्थिति रहनेछ ।