काठमाडौं-नवनियुक्त दुई मन्त्रीहरूले शपथ लिएका छन्।शुक्रबार शीतल निवासमा उद्योग, वाणिज्य तथा आपूर्ति मन्त्रीमा गौरीकुमारी यादव र श्रम, रोजगार तथा सामाजिक सुरक्षा मन्त्रीमा रामजी यादवले शपथ ग्रहण गरेका हुन्। उनीहरूलाई राष्ट्रपति रामचन्द्र पौडेलले शपथ खुवाएका हुन्। नवनियुक्त दुवै मन्त्री राष्ट्रिय स्वतन्त्र पार्टी (रास्वपा) का सांसद हुन्। गौरीकुमारी महोत्तरी-४ र रामजी सप्तरी-२ बाट प्रतिनिधिसभा सदस्य निर्वाचित भएका हुन्।
उनीहरूलाई आजै प्रधानमन्त्री बालेन्द्र शाहले नियुक्त गरेका थिए । प्रधानमन्त्री शाहले यसअघि उद्योग मन्त्रालयको जिम्मेवारी आफैले राख्दै आएका थिए ।
श्रममन्त्री दीपक साहलाई भने प्रधानमन्त्री शाहले हिजो मात्रै पदमुक्त गरेका थिए । यसबाहेक प्रधानमन्त्री शाहले रक्षा मन्त्रालय पनि आफैँ सम्हाल्दै आएका छन् ।
