हिन्दी फिल्म उचाइ भोलीबाट प्रदर्शन हुने

नेपालमा छायांकन गरिएको चलचित्र ‘‘उचाइ’’ भोलि रिलिज हुँदैछ र बुकिङ पनि खुल्ला भएको छ । अमिताभ बच्चन, ड्यानी डेन्जोङ्पा, अनुपम खेर र बोमन इरानीको अभिनय रहेकोले यो चलचित्र नेपाली पर्यटनका लागि पनि महत्वपूर्ण हुनेछ ।

चार घनिष्ठ साथीहरूबाट कथानक सुरु हुन्छ, अमिताभ, बोमन, अनुपम र डेनी। तीमध्ये डेनीको सपना सगरमाथा चढ्ने हुन्छ। सँगै समय बिताउने, रमाइलो गर्ने उनकै मृत्युपछि तीन जना साथीको जीवनमा आएको परिवर्तन  कथामा छ।

फिल्मको ६० प्रतिशतभन्दा बढी भाग नेपालमा छायांकन भएको भनिएको छ। नेपालमा धेरै प्रतिशत सुटिङ भएको भनिए पनि त्यसका लागि अमिताभ बच्चन भने नेपाल आएका थिएनन्। उनको भूमिकामा डमी कलाकारले अभिनय गरेका थिए।

सुरज बड्जात्याको निर्देशनमा बनेको फिल्ममा धेरै नेपाली कलाकारले पनि अभिनय गरेका छन्। फिल्मको छायांकन नाम्चे, मुस्ताङलगायत ठाउँमा भएको छ।