काठमाडौँ, २२,चैत्र, अभिव्यक्ति साहित्यिक द्वैमासिकका प्रधान सम्पादक, नेपाल साहित्यिक पत्रकार सङ्घका निवर्तमान अध्यक्ष एवम् वरिष्ठ साहित्यिक पत्रकार नगेन्द्रराज शर्मा साहित्यिक पत्रकारिता क्षेत्रका एक अनुकरणीय व्यक्तित्व हुनुहुन्छ । उहाँले साहित्यिक पत्रकारिताका क्षेत्रमा २०२७ सालदेखि अभिव्यक्ति प्रकाशित गरी पुर्याएको अतुलनीय योगदानको कदर गर्दै शुभेच्छुक साहित्यकारहरूको अगुवाइमा “नगेन्द्रराज शर्मा साहित्यिक पत्रकारिता पुरस्कार कोष“–२०७८ स्थापना भएको हो । आजै उमेरले ८५ वर्ष टेक्नुभएका शर्माको नाममा स्थापित पुरस्कार साहित्यिक पत्रकारिता क्षेत्रको एक गरिमामय पुरस्कार हो । यस कोषका संरक्षक एवम् पुरस्कार अर्पण समारोहका प्रमुख अतिथि नगेन्द्रराज शर्माले पहिलोपटक रू २५ हजार राशि रहेको “नगेन्द्रराज शर्मा साहित्यिक पत्रकारिता पुरस्कार “ आजै रचना साहित्यिक द्वैमासिकका प्रधान सम्पादक ,नेपाल साहित्यिक पत्रकार सङ्घका पूर्व अध्यक्ष, प्रेस काउन्सिल नेपालका पूर्व सदस्य एवम् वरिष्ठ साहित्यिक पत्रकार रोचक घिमिरेलाई प्रदान गर्नुभयो । घिमिरेले २०१८ सालदेखि ‘रचना’ प्रकाशित गर्दै साहित्यिक पत्रकारिताको क्षेत्रमा विशिष्ट योगदान पु¥याउँदै आउनुभएको छ । आफूलाई प्रदान गरिएको पुरस्कारको नगद राशि श्री घिमिरेले तत्कालै आफ्नो पनि रु ५००० गरी रु ३० हजार “नगेन्द्रराज शर्मा साहित्यिक पत्रकारिता पुरस्कार कोष“मा कोष अभिवृद्धिको लागि दाखिला गर्नुभयो ।
नगेन्द्रराज शर्मा साहित्यिक पत्रकारिता पुरस्कार अर्पण समारोह कोषका अध्यक्ष तथा साहित्यकार पवन आलोकको अध्यक्षतामा सम्पन्न भएको थियो ।
