राष्ट्रपति रामचन्द्र पौडेलद्वारा वसन्त श्रवण

काठमाडौं । राष्ट्रपति रामचन्द्र पौडेलले वसन्त पञ्चमीका अवसरमा बुधबार वसन्त श्रवण गर्नुभएको छ ।

वसन्तपुर हनुमान ढोका दरबारस्थित नासलचोकमा राष्ट्रपतिले वसन्त श्रवण गर्नुभएको हो । राष्ट्रपतिले सरस्वती पूजाको अवसरमा वसन्त श्रवण गर्ने परम्परा छ ।

कार्यक्रममा राष्ट्रपतिलाई नेपाली सेनाको टुकडीले सलामी अर्पण गरेको थियो ।

कार्यक्रममा राष्ट्रपति पौडेलले फूल माला, टीका र प्रसाद ग्रहण गर्नुभएको छ । राष्ट्रपति पौडेलले देवी सरस्वतीको पूजा आराधना पनि गर्नुभएको छ ।

वसन्त श्रवण समारोहमा उपराष्ट्रपति, प्रधानमन्त्री, प्रधानन्यायाधीश, सभामुखलगायतको उपस्थिति थियो ।