१२० राजनीतिक दल निर्वाचन प्रयाेजनका लागि दर्ता

काठमाडौँ- आगामी फागुन २१ गते हुने प्रतिनिधि सभा निर्वाचनमा भाग लिन १ सय २० राजनीतिक दल निर्वाचनमा आयोगमा दर्ता भएका छन् ।
आयोगमा दर्ता भएका १ सय ४३ दलमध्ये १ सय २० वटाले मात्र निर्वाचन प्रयोजनका लागि दल दर्ता गराएका हुन् । २३ दल भने आयोगमा दर्ता भएर पनि निर्वाचनका लागि दर्ता भएनन् । जेन-जी आन्दोलनपछि नयाँ दल दर्ताको निवेदन दिएका ३७ मध्ये २५ दलमात्रै निर्वाचनमा जाने भएका छन् ।
बाँकी १२ वटाले आवश्यक कागजात पुरा नगर्दा दर्ता हुन सकेनन् । निर्वाचन आयोगले मंसिर १० गतेसम्म निर्वाचन प्रयोजनका लागि दल दर्ता गर्ने समय तोके पनि नयाँ दल दर्ता प्रक्रियामा रहेकालाई मध्यनजर गर्दै आजसम्मका लागि दल दर्ता गर्न सकिने समय लम्ब्याएको थियो । तर ४ दिनसम्म पनि १२ दलले कागजात नपुर्याएपछि निर्वाचनमा भाग लिन नपाउने भएका हुन् ।