कथाकार रत्न प्रजापतिको नवीनतम कथासङ्ग्रह ‘रित्तो रथ’ बजारमा आएको छ । शिखा बुक्सद्वारा प्रकाशित यस सङ्ग्रहमा ३२ वटा मझौला आकारका कथा सङ्गृहीत छन् । चालीसको दशकदेखि लेखनमा सक्रिय प्रजापति कथासँगसँगै गीत, गजल र अर्थ–सामाजिक विषयका लेख–निबन्ध लेखनमा पनि उत्तिकै सक्रिय छन् ।
कथाकार प्रजापतिको नवीनतम कथासङ्ग्रह ‘रित्तो रथ’ मा सामाजिक, सांस्कृतिक र राजनीतिक विषयवस्तुलाई केन्द्रमा राखेर लेखिएका रुचिकर कथाहरू छन् । प्रजापतिका कथाहरू सामाजिक यथार्थको प्रतिबिम्बको रूपमा आएका छन् । यौन चेतना र सूक्ष्म मनोविज्ञानदेखि राजनीतिक र सामाजिक बेथिति÷विसङ्गतिलाई कथामा सुरुचिपूर्ण ढङ्गले केलाइएका छन् । मूलतः मानवीय सम्बन्ध र संवेदना कथाको प्रबल पक्षको रूपमा आएका छन् ।
सङ्ग्रहका धेरै कथामा उपत्यकाको नेवारी संस्कृतिका विविध आयामलाई उतारिएका छन् । उपत्यकाको संस्कृतिको विविध आयामलाई कथामा जोड्नु कथाकार प्रजापतिको निजी विशेषता नै हो । यस्तै विशेषता बोकेका कथा हुन् रित्तो रथ, रङ्गीन बाफ, तेबाचाको फेसबुक स्टाटस, खर्पन, भुलाँ, तलमाथि, अर्कै घरबाट आदि कथाहरू । प्रजापतिका कथा सरल तथा शालीन हुनुका साथै कथामा रहज प्रवाह भएको पुस्तकको प्रकाशकीयमा उल्लेख छ । उनका यसअघि बिसन्चो (२०६१), सेतो बादल (२०६६), बदाम बेच्ने केटी (२०७४) र स्वच्छन्द साँझ (२०७४) कथासङ्ग्रह प्रकाशित छन् ।
२८२ पृष्ठको यो कथासङ्ग्रह ‘रित्तो रथ’ को मूल्य रु. ४७५÷– रहेको छ ।
Trending Now
- Developing Asia and the Pacific Unprepared for Challenges of Aging Population
- ADB Vice-President Meets Nepal Prime Minister, Reaffirms Support for Private Sector Growth and Climate Initiatives
- भारत: चारधाम यात्रा के लिए पंजीकरण 18 लाख पार, मई के लिए स्लॉट फुल
- Israel Reopens Erez Crossing Into Northern Gaza Strip Raising Hopes For Improved Aid Access After Months Of Crisis
- CAG of India Girish Chandra Murmu called on Nepal Prime Minister Prachanda today
- CAG of India and Nepal signed MOU to enhance collaboration in audit fields
- CAG of India Sh. Girish Chandra Murmu met Auditor General of Nepal Mr. Toyama Raya and signed an MoU today
- भट्टराईको ‘मनोभिराम’ मुक्तकसङ्ग्रह विमोचन
- ‘विश्वमञ्च’मा नरेन्द्र मोदी पुस्तक सार्वजनिक
- काठमाडौंमा न्युयोर्क राइटर्स वर्कसप र हिमालयन लिटरेचर फेस्टिभल हुँदै
Comments are closed.