काठमाडौं– नेपाल स्रष्टा समाजले यस वर्षको रेखा- पवन स्रष्टा सम्मान र रमेशगंगा स्रष्टा सम्मान तीनजना स्रष्टाहरुलाई अर्पण गर्ने निर्णय गरेको छ ।
समाजले एक लाख १११ नगद राशिसहितको रेखा – पवन स्रष्टा सम्मान -२०८२ संयुक्तरुपमा अग्रज साहित्यिक पत्रकार तथा साहित्यकार नगेन्द्रराज शर्मा र रोचक घिमिरेलाई अर्पण गर्ने निर्णय गरेको छ।
यसैगरी २१ हजार १११ नगद राशिसहितको रमेशगंगा स्रष्टा सम्मान – २०८२ द्वारा साहित्यकार डा. देवी नेपाललाई अर्पण गर्ने भएको छ ।
नेपाल स्रष्टा समाज, केन्द्रीय समितिको बैठकले निर्णय गरेका रेखा- पवन स्रष्टा सम्मान आगामी फागुन २४ गते र रमेशगंगा स्रष्टा सम्मान फागुन २६ गते समर्पण गरिने समाजका अध्यक्ष श्रीओम श्रेष्ठ ‘रोदन’ले जानकारी दिनुभएको छ ।
