साहित्यकार तथा पत्रकार व्याकुल पाठक पुरस्कृत

पूर्वाञ्चल साहित्य प्रतिष्ठान विराटनगरको आयोजनामा कवि कविराज पोखरेल स्मृति साहित्य विशेष पुरस्कार साहित्यकार तथा पत्रकार व्याकुल पाठकलाई समर्पण गरेको छ। । रू पचासहजार एक सय एघार राशिको उक्त पुरस्कार प्रमुख अतिथि प्रा.डा. टङ्कप्रसाद न्यौपाने,पुरस्कार संस्थापक कौशिला पोखरेल , रन्जना पोखरेल लगायतले समर्पण गरेका थिए । कवि कविराज पोखरेलले पुरस्कृत स्रष्टा व्याकुल पाठकको लेखनबाट प्रभावित भएर निधन हुनुअघि म नरहेपनि उल्लेखित राशिको पुरस्कार पाठकलाई दिनु भनेर परिवारका बीच आफ्नो इच्छा व्यक्त गरेकाले पोखरेल परिवारले कविको स्मृति दिवसको अवसरमा इच्छा अनुरूप उक्त पुरस्कार समर्पण गरिएको हो । साहित्यकार व्याकुल पाठक तीन दशकदेखि साहित्य र पत्रकारिता क्षेत्रमा समर्पित स्रष्टा र सम्पादक हुन् ।