इरानका सर्वोच्च नेता मोज्तबा र राष्ट्रपति पेजेस्कियानबीच भेटवार्ता

काठमाडौँ – इरानका राष्ट्रपति मसुद पेजेस्कियानले आफ्नो कार्यकालको तेस्रो वर्षमा प्रवेश गर्दै सर्वोच्च नेता आयतोल्लाह सय्यद मोज्तबा खामेनीसँग भेटवार्ता गरेका छन् ।भेटवार्ताका क्रममा इरानको आर्थिक तथा सैन्य अवस्थाबारे विस्तृत छलफल भएको छ । नेताहरूबीच जनताको जीविकोपार्जनसँग जोडिएका आवश्यकता, इरानविरुद्ध जारी अमेरिकी-इजरायली युद्धको अवस्था तथा आगामी सम्भावना, सैन्य गतिविधिमा भएका पछिल्ला घटनाक्रम र मुलुकको आर्थिक व्यवस्थापनका विषयमा छलफल भएको बताइएको इरानको प्रेस टिभीले उल्लेख गरेको छ ।अमेरिकाले इरानविरुद्धको युद्धमा घोषित लक्ष्य हासिल गर्न नसकेको दाबी भइरहेका बेला दुई मुलुकबीच थप तनाव बढ्न सक्ने सम्भावनाका बीच यो भेटवार्ता भएको हो ।
केहि समय अघि राष्ट्रपति पेजेस्कियान सर्वोच्च नेता मोज्तबालाई आफुले पनि भेट्न नसकेको भन्दै विवादित अभिव्यक्ति दिएका थिए ।;अमेरिका र इजरायलले फेब्रुअरी २८ मा इरानविरुद्ध दोस्रो चरणको सैन्य कारबाही सुरु गरेका थिए । उक्त क्रममा इस्लामिक क्रान्तिका तत्कालीन नेता आयतोल्लाह सय्यद अली खामेनीसहित इरानका उच्च सैन्य कमान्डर तथा सरकारी अधिकारीहरूको हत्या गरिएको थियो ।मसुद पेजेस्कियान सन् २०२४ जुलाई ५ मा भएको राष्ट्रपतीय निर्वाचनको दोस्रो चरणमा विजयी भएका थिए । जुलाई ६ मा उनको विजय औपचारिक रूपमा घोषणा गरिएको थियो ।
त्यसपछि जुलाई २८ मा तत्कालीन सर्वोच्च नेता आयतोल्लाह सय्यद अली खामेनीले उनलाई राष्ट्रपतिका रूपमा औपचारिक नियुक्ति दिएका थिए । जुलाई ३० मा उनले इरानी संसद्सामु राष्ट्रपतिको शपथ लिएका थिए ।पेजेस्कियानको निर्वाचन तत्कालीन राष्ट्रपति इब्राहिम रइसीको हेलिकप्टर दुर्घटनामा मृत्यु भएको केही महिनापछि भएको थियो ।