कटुवा पेस्तोल सहित एक जना पक्राउ

भोजपुर, २४ पुस

षडानन्द नगरपालिका-६ मुसेटार बस्ने ६७ वर्षीय कुमार चाम्लिङलाई कटुवा पेस्तो जस्तो देखिने १ थान हतियार सहित शनिबार दिउँसो प्रहरीले पक्राउ गरेको छ ।

उनले उक्त हतियार बोकी एक पुरुषलाई ज्यान मार्ने धम्की दिइरहेको भन्ने सूचना प्राप्त हुनासाथ ईलाका प्रहरी कार्यालय दिङ्लाबाट खटिएको प्रहरीले उक्त हतियार सहित फेला पारी उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।