काठमाडौँ- बाबुराम भट्टराईले गोरखा–२ निर्वाचन क्षेत्रबाट आफ्नो उम्मेदवारी फिर्ता लिने निर्णय गरेका छन्। उनले आज आफूनिकटका केही नेतासँग छलफल गरेपछि यो कदम उठाएका हुन्।
भट्टराईले प्रगतिशील लोकतान्त्रिक पार्टीको तर्फबाट उम्मेदवारी दिएका थिए। सचिवालयका स्रोतका अनुसार, नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’, नेपाली कांग्रेसका उम्मेदवार प्रकाशचन्द्र दवाडी, रास्वपाका उपसभापति स्वर्णिम वाग्लेले मध्यस्थता गरी फिर्ता लिन आग्रह गरेका थिए।
हालसम्म उनले कसलाई समर्थन गर्ने भन्ने घोषणा गरेका छैनन्। गोरखा–२ मा अन्य उम्मेदवारमा कांग्रेसका प्रकाशचन्द्र दवाडी, नेकपा एमालेका मिलन गुरुङ, रास्वपाका महामन्त्री कविन्द्र बुर्लाकोटीलगायत रहेका छन्।
