साहित्यकार वसन्त चौधरीको बाल कवितासंग्रह ‘आहाना’ लोकार्पण

ललितपुर । एक कार्यकर्मको आयोजना गरि साहित्यकार बसन्त चौधरीको बालकवितासंग्रह ‘आहाना’ एक सार्वजनिक गरिएको छ ।
आइतबार ललितपुरको प्रिमियर इन्टरनेसनल स्कुलमा सम्पन्न कार्यक्रममा कवि चौधरी, मेघा चौधरी, पारस शाक्यलगायत पाँच बालिकाले उक्त कृति लोकार्पण गरेका । कृति कवि चौधरीले नातिनी आहाना शाक्य चौधरीको जन्मदिनको अवसर पारेर सार्वजनिक गरेका हुन् ।
साहित्यकार चौधरीले बालसाहित्यमा यो आफ्नो पहिलो प्रयास भएको बताए । बालसाहित्यलाई व्यापारभन्दा पनि आन्दोलनका रूपमा लिनुपर्ने उनले उल्लेख गरे। उनले बालबालिकामा यस किसिमका साहित्यमार्फत अथाह ज्ञान बाँड्न सकिने बताए ।
प्रिमियर इन्टरनेसनल स्कुलकी प्राचार्य पवित्रा सुब्बाले बालसाहित्यका पुस्तकहरू हरेक विद्यालयका पुस्तकालयसम्म पुग्नुपर्नेमा जोड दिइन् । कार्यक्रममा जोया महर्जन, सुहाना यादव, दृष्टि महर्जन, हिमा महर्जन, आहाना शाक्य चौधरीले कृतिभित्रका कवितावाचन गरे । पुस्तक कोपिला किताबले प्रकाशनमा ल्याएको हो ।