कमल ज्ञवालीको “सत्प्रयास” सार्वजनिक

काठमाडौँमा आयोजित एक कार्यक्रममा स्रष्टा कमल ज्ञवालीद्वारा लिखित संस्मरण सङ्ग्रह “सत्प्रयास” विमोचन गरिएको छ। उक्त पुस्तक दायित्व वाङ्मय प्रतिष्ठानको आयोजनामा टेक्सास इन्टनेशनल कलेज मित्रपार्कमा विमोचन गरिएको थियो ।
प्रमुख अतिथि वरिष्ठ साहित्यिक पत्रकार तथा लेखक रोचक घिमिरे तथा मञ्चासिन अतिथिहरु र लेखकले सामुहिक रुपमा पुअतक लोकार्पण गरेका थिए।
समीक्षक कृष्ण प्रधानले पुस्तकबारे संक्षिप्त समीक्षा तथा ठाकुर शर्मा भण्डारीले कवितात्मक संक्षिप्त समीक्षा गरेका थिए। इतिहासविद् दिनेशराज पन्त, सूर्यबहादुर सेन, भागवत ढकाल लगायतले शुभकामना मन्तव्य दिएका थिए।
दायित्व वाङ्मय प्रतिष्ठानले प्रकाशन गरेको उक्त पुस्तक विमोचन समारोहमा दायित्व वाङ्मय प्रतिष्ठानका अध्यक्ष रामप्रसाद पन्तको सभापतित्व रहेको थियो ।