कपिल काफ्लेद्वारा लिखित ‘पुंसवन’ कृति लोकार्पण

काठमाडौँमा आयोजित एक कार्यक्रममा वरिष्ठ पत्रकार कपिल काफ्लेद्वारा लिखित ‘पुंसवन’ कृति लोकार्पण गरिएको छ। कार्यक्रम कि प्रमुख अतिथि सञ्चार तथा सूचना प्रविधि मन्त्री रेखा शर्माले ‘पुंसवन’ पुस्तकको विमोचन गर्दै नेपालमा पूर्वीयदर्शनमा आधारित अध्ययन केन्द्र स्थापना गर्नुपर्ने बताएकी छन् ।
वरिष्ठ पत्रकार कपिल काफ्लेद्वारा लिखित ‘पुंसवन’ पुस्तकको काठमाडौँमा विमोचन गर्दै उनले पूर्वीयदर्शनको ज्ञान प्रर्वद्धनका क्षेत्रमा अध्ययन अनुसन्धानका लागि केन्द्र स्थापना गर्न आवश्यक रहेको बताइन् ।
पूर्वीयदर्शन अध्ययनका लागि ‘पुंसवन’ उपयोगी हुने विश्वास भन्दै सञ्चारमन्त्री शर्माले वरिष्ठ पत्रकारद्वारा लिखित कृतिले महिला अधिकारका पक्षमा आवाज बुलन्द गर्न सहयोग पुग्ने धारणा व्यक्त गरिन् ।