कश्यप पौडेलको कथासंग्रह ‘आरनको आगो’ बजारमा

पौडेलको कथासङ्ग्रह ‘आरनको आगो’ सार्वजनिक

काठमाडौँ। कश्यप प्रसाद पौडेलद्वारा लिखित दोस्रो कथा सङ्ग्रह ‘आरनको आगो’ बजारमा आएको छ । पौडेलको पहिलो कथा संग्रह ‘डायनकी छोरी’ ले चर्चा पाएपछि दोस्रो कृतिको रूपमा आरनको आगोमा प्रकाशनमा ल्याएका हुन् ।
कथा संग्रहमा २१ वटा कथा समेटिएका छन् । कथाका पाठक तथा पारखीहरुका लागि यी कथाहरु पठनीयसँगै अधिकांश कथाहरूले ग्रामीण परिवेशलाई छर्लंग पारेको पौडेलको भनाइ छ ।
कथाकार पौडेलको लेखनले समाजका समग्र वस्तुस्थितिलालाई यथासक्य चित्रण गर्ने प्रयास गरेको छ । विकृति विसंगतिविरुद्ध कडा प्रहारसँगै लोप हुन लागेका परम्पराबारे वर्तमान तथा भावि पुस्तालाई पनि जानकारीमूलक रहोस् भन्ने ध्येयले कथाको रचना आफैं महत्वपूर्ण कृतिका रुपमा रहेको उनको भनाइ छ ।
सीतादेवी पौडेलद्वारा प्रकाशित, क्रियटिभ वर्क डट नेपाल प्रा.लि.द्वारा मुद्रित २ सय ८४ पृष्ठको ‘आरनको आगो’ कथा सङ्ग्रहको मूल्य ४०० रूपैयाँ राखिएको छ ।