काठमाडौँ -प्रमुख प्रतिपक्षी दल नेपाली कांग्रेस को केन्द्रीय कार्यसमिति बैठक आज बस्दैछ। बैठक दिउँसो १ बजे सानेपास्थित पार्टी मुख्यालयमा हुने कार्यवाहक मुख्यसचिव कृष्णप्रसाद दुलाल ले जानकारी दिएका छन्।
बैठकमा सभापति गगन थापा को राजीनामा, आगामी महाधिवेशन, हालैको निर्वाचन समीक्षा तथा पार्टीको भावी रणनीतिका विषयमा गम्भीर छलफल हुने जनाइएको छ।
हालै सम्पन्न प्रतिनिधिसभा निर्वाचनमा कमजोर नतिजा आएपछि नैतिक जिम्मेवारी लिँदै थापाले सभापति पदबाट राजीनामा दिएका हुन्। तर उपसभापति विश्वप्रकाश शर्मा ले उक्त राजीनामा स्वीकृत नहुने संकेत गरिसकेका छन्। उनले सामाजिक सञ्जाल एक्समार्फत आजको बैठकमा राजीनामा अस्वीकृत गर्ने प्रस्तावसमेत पेश हुने बताएका छन्।
निर्वाचन परिणामअनुसार कांग्रेस दोस्रो स्थानमा सीमित हुँदा प्रत्यक्षतर्फ १८ र समानुपातिकतर्फ २० गरी कुल ३८ सिट मात्रै जित्न सफल भएको थियो। यसैबीच गगन थापा आफैं सर्लाही–४ मा पराजित भएका थिए।
स्मरणीय छ, गत पुस २७ देखि ३० गतेसम्म काठमाडौँको भृकुटीमण्डप मा सम्पन्न विशेष महाधिवेशनबाट थापा सर्वसम्मत रूपमा सभापति चयन भएका थिए। तर सो महाधिवेशनको वैधानिकता सम्बन्धी मुद्दा सर्वोच्च अदालत मा अझै विचाराधीन रहेको छ, जुन शेरबहादुर देउवा र पूर्णबहादुर खड्का ले दायर गरेका हुन्।
