काठमाडौं, २६ असार
सुर्खेत, गुर्भाकोट नगरपालिका-८ मेहेलकुनास्थित मेहेलकुना अस्पतालको निर्माणाधिन भवनमा आल्मुनियमको काम गर्ने क्रममा करेन्ट लागेर सोही नगरपालिका-६ करेणी बस्ने १७ वर्षीय विजय बिकको शनिबार साँझ मृत्यु भएको छ । करेन्ट लागेर गम्भीर घाइते भएका उनको मेहेलकुना अस्पतालमा उपचारको क्रममा मृत्यु भएको हो ।
संखुवासभा, चैनपुर नगरपालिका-६ स्थित बरुण हाईड्रोपावरको ३३ केभि प्रसारण लाईन मर्मत गर्ने क्रममा करेन्ट लागेर सोही हाईड्रोपावरको प्लान अप्रेटर दाङ राप्ती गाउँपालिका-३ बस्ने २५ वर्षीय दिपक न्यौपानेको शनिबार दिउँसो मृत्यु भएको छ । करेन्ट लागेर गम्भीर घाइते भएका उनको प्राथमिक स्वास्थ्य केन्द्र चैनपुरमा उपचारको क्रममा मृत्यु भएको हो ।
यस सम्बन्धमा प्रहरीले थप अनुसन्धान गरिरहेको छ ।
