बुबा जीवित रहेको प्रमाण इमरान खानका छोराले मागे

काठमाडौँ । जेलमा रहेका पाकिस्तानका पूर्वप्रधानमन्त्री इमरान खानको अवस्थाबारे विभिन्न अनुमान भइरहेका छन् । यसैबीच उनका छोरा कासिम खानले आफ्ना बुबा जीवित रहेको प्रमाण दिन पाकिस्तान सरकारसँग माग गरेका छन् ।
कासिमले बिहीबार साँझ एक्समा लेखेका छन्, ‘मेरो बुबा ८४५ दिनदेखि जेलमा हुनुहुन्छ । पछिल्लो ६ हप्तादेखि उहाँलाई डेथ सेलमा एक्लै राखिएको छ । अदालतको आदेश हुँदाहुँदै पनि उहाँका दिदीबहिनीहरूलाई भेट्न दिइएको छैन ।
कुनै फोन कल गरिएको छैन, जसका कारण हामीसँग उहाँ जीवित रहेको कुनै प्रमाण छैन । म र मेरो भाइ पनि बुबासँग सम्पर्क गर्न असमर्थ छौँ ।’
उनले अगाडि लेखेका छन्, ‘पाकिस्तान सरकार र यसका मालिकहरूले मेरो बुबाको सुरक्षा तथा यो अमानवीय एक्लोपनका सबै असरको कानुनी, नैतिक र अन्तर्राष्ट्रिय जिम्मेवारी लिनेछन् कि लिने छैनन् भन्ने कुरा स्पष्ट हुनुपर्छ ।’
कासिमले अन्तर्राष्ट्रिय समुदाय र मानव अधिकार संस्थाहरूलाई यस विषयमा हस्तक्षेप गर्न पनि अपिल गरेका छन् ।