गायक जस्टिन बिबर’राम्से हन्ट सिन्ड्रोमुबाट पीडित

अनुहारको आधा भागमा प्यारालाइसिस

काठमाडौँ—लोकप्रिय गायक जस्टिन बिबरले आफू राम्से हन्ट सिन्ड्रोमुबाट ग्रसित भएको बताएका छन्  । शुक्रबार उनले इन्स्टाग्राम पेजबाट आफू राम्से हन्ट सिन्ड्रोमुबाट ग्रसित भएको र अनुहारको आधा भागमा प्यारालाइसिस भएको जानकारी दिएका हुन् ।

इन्स्टाग्राममा भिडियो राख्दै उनले भनेका छन् । कान र अनुहारका नसामा भाइरसको आक्रमणका कारण मेरो अनुहारमा प्यारालाइसिस भएको छ,। भिडियोमा उनले आफूले आँखा झिम्काउन नसकेको र हाँस्न पनि नसकेको उनले जानकारी दिएका छन् ।

भौतिक रूपमा उपस्थित हुन नसक्ने भएकाले उनले आगामी सबै कार्यक्रम स्थगित गरिएको पनि जानकारी दिएका छन् । गत फेब्रुअरीदेखि सुरु भएको जस्टिन बिबर वल्र्ड टुर पनि स्थगित भएको छ । वासिंटन डिसी, टोरन्टोका कार्यक्रममा उनी उपस्थित हुन सकेनन् । त्यस्तै न्युयोर्क र लस एन्जलसमा आगामी हप्ता हुने भनिएका कार्यक्रम पनि स्थगित भएका छन् ।

के हो राम्से हन्ट सिन्ड्रोम ?

राम्से हन्ट सिन्ड्रोम भेरिसेला जोस्टर भाइरसका कारण हुने नसासम्बन्धी समस्या हो । यो बालबालिकामा हुने चिकेनपक्स र वयस्कलाई दादुराको संक्रमण गराउने भाइरसबाट नै हुने चिकित्सकहरू बताउँछन् । न्युयोर्क टाइम्सका अनुसार चिकेनपक्सबाट निको भए पनि भाइरस शरीरमा रहने र त्यसले अनुहारका नसामा समस्या आउन सक्ने सम्भावना रहन्छ ।

अनुहार हुँदै जाने नसा र बोनल क्यानल खुम्चिँदा तिनीहरूले काम गर्न छाड्छन्,ु वासिङ्टन विश्वविद्यालय, स्कुल अफ मेडिसिनकी संक्रामक रोग विशेषज्ञ डा। अन्ना वाल्डले न्युयोर्क टाइम्ससँग भनेकी छिन् । यसले महिला र पुरुष दुवैलाई संक्रमण गर्ने सम्भावना हुन्छ । त्यस्तै यसका कारण अनुहारको एक भागमा प्यारालाइसिस हुने सम्भावना हुन्छ ।

पाका उमेरका व्यक्तिहरू राम्से हन्ट सिन्ड्रोमबाट ग्रसित हुन सक्ने र श्रवण शक्तिमा पनि ह्रास आउने सम्भावना हुने चिकित्सक बताउँछन् । प्रत्येक वर्ष १ लाखमध्ये १० जनामा यसको संक्रमण देखिन सक्ने पनि न्युयोर्क टाइम्समा उल्लेख छ । यो सबैलाई हुन सक्छ, तर यसबाट भने डराउनुपर्दैन, न्युयोर्क टाइम्ससँगको कुराकानीमा डा। वालीद जावेदले भनेका छन् । यसको पहिचान हुन भने समय लाग्न सक्ने पनि अनुसन्धानकर्ताहरूको भनाइ छ ।

उपचार सम्भव छ ।

राम्से हन्टबाट ग्रसित धेरै जना पूर्ण रूपमा निको हुन सक्छन् । प्रा.डा. माइकल आइसनका अनुसार निको हुने समय भने फरक फरक हुन सक्छ । केही व्यक्ति एक हप्तामै निको हुन्छन् भने केहीलाई महिनौँ पनि लाग्न सक्छ । उनी भन्छन् । फेसियल प्यारालाइसिसका कारण श्रवण शक्ति पनि गुम्न सक्ने न्यून सम्भावना हुने उनी बताउँछन् ।