काठमाडौँ- फेयरफ्याक्स, अमेरिका: नेपाली गीतकार पुष्पा खनालले आफ्नो गीति यात्रामा एक महत्त्वपूर्ण उपलब्धि हासिल गरेकी छिन्। उनलाई ‘आइएसएसए अवार्ड्स अमेरिका २०२६’ (ISSA Awards USA 2026) को चार प्रतिष्ठित विधाहरूमा मनोनित गरिएको छ।
खनाल निम्नलिखित विधाहरूमा मनोनित भएकी छिन्:
फिमेल राइजिङ स्टार अफ द इयर (Female Rising Star of the Year)
फिमेल गीतकार अफ द इयर (Female Songwriter of the Year)
फिमेल एकल गीत अफ द इयर (Female Single of the Year)
म्युजिक भिडियो अफ द इयर (Music Video of the Year)
आफ्नो खुसी व्यक्त गर्दै खनालले विश्वभरका स्वतन्त्र गायक-गीतकारहरूलाई सम्मान गर्ने यस्तो अन्तर्राष्ट्रिय मञ्चमा पहिचान पाउनु आफ्नो र नेपाली समुदायकै लागि निकै सम्मान र गौरवको विषय भएको बताएकी छिन्।
उनले हाल खुल्ला गरिएको सार्वजनिक भोटिङमार्फत आफ्ना प्रशंसक र शुभचिन्तकहरूसँग भोटका लागि अनुरोध समेत गरेकी छिन्।
भोट कसरी गर्ने?
शुभेच्छुकहरूले निम्न चरणहरू पालना गरी पुष्पा खनाललाई भोट गर्न सक्नेछन्:
१. आधिकारिक भोटिङ पेजमा जानुहोस्: https://issasongwriters.com/2026-vote/
२. “USA Nominee Vote Here” मा क्लिक गर्नुहोस्।
३. विधाहरू (Categories) हेर्दै तल स्क्रोल गर्नुहोस्।
४. मनोनित भएका चारवटै विधाहरूमा उनको नाम चयन गर्नुहोस्।
५. पेजको अन्त्यमा गएर भोट Submit गर्नुहोस्।
2026 VOTE – International Singer-Songwriters Association↗
भोटिङ नियम अनुसार, प्रयोगकर्ताहरूले प्रत्येक दिन एक उपकरण (device) बाट एक पटक मात्र भोट गर्न सक्नेछन्। यदि एक व्यक्तिसँग धेरै उपकरणहरू छन् भने, उनीहरूले प्रत्येक उपकरणबाट छुट्टाछुट्टै भोट गर्न सक्छन्।
भोटिङ पूर्ण रूपमा निःशुल्क छ र यो अप्रिल ३० मध्यरात सम्म खुल्ला रहनेछ।
खनालले आफ्ना शुभेच्छुकहहरू प्रति हार्दिक आभार प्रकट गर्दै उनीहरूको माया र प्रोत्साहनले आफ्नो गीति यात्रामा महत्त्वपूर्ण भूमिका खेल्ने बताएकी छिन्। इस्सा एवार्डसका बिजेतालाई २२ अगस्त २००२६ मा स्याण्डी स्प्रिङगस् पर्फर्मिङ आर्टस् सेन्टर एटलाण्टामा आयोजना हुने बिशेष कार्यक्रममा अवार्ड प्रदान गरिनेछ ।
खनाल प्रसिद्ध नेपाली गीतकार हुन् । उनले ४०० बढी गीतहरू लेखिसकेकी छन् भने दुई गीतिसङ्ग्रह प्रकाशित छन् । उनले गीतकै माध्यमबाट धेरै पुरस्कार तथा सम्मान प्राप्त गरिसकेकी छिन् ।
खनालका गीतहरुमा अञ्जु पन्त, स्वरुप आचार्य, नरेन्द्र प्यासी, सरोज कोइराला गङ्गा सोनाम लगायतका गायक गायिकाले स्वर दिएका छन् ।
