काठमाडौं – इरानी सेनाले नियन्त्रणमा लिएका नेपाली युवा अमृत झा रिहा भएका छन् । उनलाई बुधबार रिहा गरिएको हो । रिहाइबारे जानकारी दिँदै परराष्ट्रमन्त्री शिशिर खनालले इरानस्थित नेपाली कन्सुलरमार्फत पुष्टि भएको बताए। सरकारी अधिकारीहरूले झाको परिवारलाई पनि रिहाइबारे जानकारी गराइसकेका छन् । झा दुबईमा रहेको ‘ब्ल्याक सी मरिन एलएलसी’ कम्पनीको जहाजमा क्याप्टेनका रूपमा कार्यरत थिए ।उनी इन्धन लिन इरान पुगेका बेला फर्किने क्रममा नियन्त्रणमा परेका थिए।
