झापा – नेकपा एमालेका अध्यक्ष केपी शर्मा ओलीले बंगलादेशको चुनावमा जे भयो नेपालमा पनि त्यही हुने दाबी छन् ।नेकपा एमालेका अध्यक्ष केपी शर्मा ओलीले बंगलादेशको चुनावका विजेतालाई बधाई दिदैँ नेपालको निर्वाचन परिणाम पनि बंगलादेशकै जस्तो हुने दाबी गरेका हुन् ।
आज काठमाडौंबाट आफ्नो निर्वाचन क्षेत्र झापा- ५ आउने क्रममा भद्रपुर विमानस्थलमा पत्रकारहरुले चुनाव हुन्छ कि हुँदैन ? भन्ने प्रश्न गरेका थिए ।
उक्त प्रश्नको जवाफमा ओलीले भने- ‘बंगलादेशको चुनावमा जे भयो नेपालमा पनि त्यही हुन्छ । बधाई छ चुनावका विजेतालाई, नेपालमा चुनाव हुने भयो भने हामी भाग लिन्छौँ, चुनावको वातावरणका विषयमा यसै भन्न सकिँदैन । अब त चुनाव हुन्छ भन्ठान्छु म । निर्वाचन आउन केही दिन मात्रै बाँकी रहँदा समेत ओलीले अझै चुनाव हुने वा नहुनेमा अन्यौलता रहेको दाबी गरे ।बाहिर अझै पनि निर्वाचनको वातावरण बनिनसकेको भन्दै आम नागरिकहरुमा त्रास फैलिएको भन्दै सरकारले त्यसतर्फ ध्यान दिनुपर्ने बताए ।
झापा क्षेत्र नं ५ बाट पुनः उम्मेदवार बनेका पूर्वप्रधानमन्त्री समेत रहेका ओली आफ्नो निर्वाचन क्षेत्रका मतदाताहरुसँग मत माग्न व्यस्त देखिएका छन् । उक्त क्षेत्रमा रास्वपाको माहोल देखिएपछि ओलीले तिव्रता दिइरहेका छन् ।
