पोखरामा दुर्घटनाग्रस्त विमानमा गायिका निरा छन्त्याल पनि परिन्

पोखरामा भएको यति एयरलाइन्सको जहाज दुर्घटनामा बागलुङकी लोक तथा दोहोरी गायिका परेकी छन् । उक्त जहाज दुर्घटनामा लोक गायिका निरा छन्त्याल पनि रहेको खुलेको छ।

बाग्लुङ घर भएकी गायिका छन्त्याल आइतबार पोखरामा हुने कार्यक्रममा सहभागी हुन सो जहाजमा गएको पारिवारिक स्रोतले पुष्टि गर्यो । अहिले उनको अवस्था कस्तो छ, कुनै जानकारी छैन । अहिले उनकाे अवस्था कस्ताे छ, कुनै जानकारी छैन ।

उनी आज दुर्घटना ग्रस्त भएको यती एयरलाइन्स ६१९ फ्लाइट विमानको सिट नम्बर ११ डीमा बसेकी थिइन् । गायिका छन्त्यालको अवस्थाबारे कुनै आधिकारिक जानकारी नआए पनि यात्रु सूचीको ११ नम्बरमा उनको पनि नाम छ।

गायिका छन्त्यालले हिजो नै पोखरा जान लागेको जानकारी फेसबुकमा सेयर गरेकी थिइन् । उनले १८ घण्टा अगाडि मात्रै आफ्नो फेसबुकबाट माघे सङ्क्रान्ति शुभकामना लेखेकी थिइन् । ‘छन्त्याल भवन काठमाडौँको माघी सकियो, भोलि पोखरामा रमाइलो गर्नुपर्छ,’ उनले लेखेकी थिइन्।  बिहान १०ः११ मा उनले माघे सङ्क्रान्ति पर्वको शुभकामना सन्देश पोस्ट गरेकी थिइन् ।

हिजो काठमाडौंमा छन्त्याल समाजले आयोजना गरेको कार्यक्रममा गीत गाएकी उनी आज पोखरा छन्त्याल समाजको कार्यक्रममा सहभागी हुन जाँदै थिइन् ।

चालक दलका ४ जनासहित कुल ७२ जना सवार विमान आज बिहान पोखरास्थित सेती नदीको खोँचमा खसेको थियो |