काठमाडौं ,नेपाली म्युजिक भिडियो क्षेत्रमा नुतन मौलिक कामहरू भइरहेका छन् । फरक खालका , नेपालीपन बोकेका म्युजिक भिडियोहरू, गीतहरू दर्शकश्रोताको मनमुटुमा बस्न सफल पनि छन् । राम्रा गीतहरू धेरैपछि सम्म पनि मान्छेको दिलमा बसेका हुन्छन् । यस्तै एक `पीरिम लाउ है ´ बोलको गीत सार्वजनिक भएको छ ।
पत्रकार तथा उदाउँदै गरेकी प्रतिभाशाली कलाकार ज्योत्सना घिमिरेको मुख्य अभिनय रहेको `पीरिम लाउ है ´ बोलको गीत हालै सार्वजनिक भएको हो । चर्चित गायिका रचना रिमाल , गायक तथा सर्जक यादव घिमिरेको स्वर रहेको यस आधुनिक गीत ‘पिरिम लाउ है’ यादव घिमिरे अफिसियल युट्युब च्यानलमार्फत सार्वजनिक भएको हो ।
यस गीतको शब्द सम्पादन संस्कृतविद आचार्य नविन गौतमले गरेका हुन् । गीतमा नेपाली जीवनदर्शनलाई अर्थपूर्ण ढंगले प्रस्तुत गरिएको छ।
विशाल निरौलाले संगीत संयोजन गरेको
गीतका शब्दहरू ठेट नेपालीपनलाई बोक्ने खालका छन् ।
यस गीतको म्युजिक भिडियोको निर्देशन, सम्पादन तथा रंग संयोजन एकान्त मगरले गरेका हुन भने म्युजिक भिडियोको छायांकन सञ्जोक श्रेष्ठले गरेका हुन । म्युजिक भिडियो नृत्य निर्देशन रोहित बस्नेत र आशिष राईले गरेका छन्। गीतको छायांकन बोडे कुमारी मन्दिर र कमलपोखरीमा गरिएको कलाकार घिमिरेले जानकारी दिइन ।
यस गीतबारे कलाकार ज्योत्सना घिमिरे भन्छिन -`आधुनिक गीत पिरिम लाउ है’ मा काम गर्दा म भावुक भए । अनुभवहरू विशेष रहे । एउटा कारण यो पनि हो गीत मेरो आफ्नै दाइ यादव घिमिरेको सिर्जना गर्नुभएको हो । आत्मीयताको आभास पनि भयो ।
गीतको शब्द र संगीतमा रहेको नेपाली माटोको गन्ध र सरल प्रेमभावले मलाई सुरुदेखि नै आकर्षित गरेको थियो । भाग्यले मलाई नै मुख्य भूमिकामा रहेर गीतको म्युजिक बनाइयो । म मक्ख परे । सकेसम्म मेहनत गरे । यो गीतमा हामीले धेरै मेहेनत गरेर छौं ,सबैले हेरिदिनु होला । टिकटक बनाइदिनु होला । लाइक , सेयर कमेन्ट गरिदिनु होला । मन परे साथीहरूलाई भनिदिनुस है त ।´
