काँग्रेसको देउवा पक्षको रिट कामु प्रधान्यायाधीश मल्ल र न्यायाधीश पोखरेलको इजलासमा

काठमाडौँ -नेपाली कांग्रेसको देउवा पक्षले दायर गरेको नयाँ मुद्धाको पेसी कायममुकायम प्रधान्यायाधीश सपना प्रधान मल्ल र न्यायाधीश मेघराज पोखरेलको संयुक्त इजलासमा तोकिएको छ ।
कांग्रेसको देउवा पक्षले यसअघि माघ ४ गते निर्वाचन आयोगको निर्णय विरुद्ध मुद्धा दायर गरेको थियो भने अर्को मुद्धा काँग्रेसको वर्तमान नेतृत्वले महाधिवेशनको मिति तय गरेको विरुद्ध चैत्र २६ गते दर्ता भएको थियो । दुवै मुद्धा न्यायाधीशद्वय मल्ल र पोखरेलको इजलासमा राखेर सुनुवाई हुदै छ ।
देउवा समुहको मुद्दामा पछिल्लोपटक चैत १ गते न्यायाधीशद्वय विनोद शर्मा र मेघराज पोखरेलको संयुक्त इजलासमा सुनुवाइ भएको थियो । उक्त इजलासले मुद्दालाई हेर्न नभ्याइनेमा राखेको थियो । त्यसअघि माघ ६ गते न्यायाधीश सुनिलकुमार पोखरेलको इजलासमा यस मुद्धामा कारण देखाउ आदेश जारी गरेपछि विशेष महाधिवेशनबाट निर्वाचित गगन थापा नेतृत्वको कार्यसमितिलाई काम गर्न बाटो खुलेको थियो ।