काठमाडौं – अमेरिकी राष्ट्रपति डोनाल्ड ट्रम्पका दक्षिण तथा मध्य एसियाली विशेष दूत सर्जियो गोर र रास्वपा सभापति रवि लामिछानेबीच भेटवार्ता भएको छ ।
दुबै जनाबीच शनिबार भएको भेटमा नेपाल र अमेरिकाबीचको आर्थिक साझेदारीलाई सुदृढ बनाउनेबारे छलफल भएको गोरले सामाजिक सञ्जालमार्फत जानकारी गराएका छन् ।
‘नेपालको नयाँ सरकारसँग परिवर्तनको लागि अविश्वसनीय जनादेश छ, र उनीहरूले घोषणा गरेका सुधारहरू धेरै आशाजनक छन्,’ भेटवार्ताबारे जानकारी गराउँदै गोरले लेखेका छन्।बिहीबार साँझ काठमाडौं आएका गोरले यसअघि अर्थमन्त्री डा. स्वर्णिम वाग्ले र परराष्ट्रमन्त्री शिशिर खनालसँग भेट गरेका थिए ।
यस्तै नेपाल भ्रमणका क्रममा उनले शुक्रबार एभरेष्ट बेसक्याम्पमा अल्ट्रा एक्स जेन २ नामक अमेरिकन कार्गो ड्रोनको औपचारिक उद्घाटन पनि गरेका थिए ।
गोरको आजै राति भारतको आजधानी नयाँ दिल्ली प्रस्थान गर्ने कार्यतालिका रहेको छ ।
