काठमाडौं – पशुपतिनाथ मन्दिर क्षेत्रमा एक फ्रान्सेली नागरिक भिक्षा मागिरहेको भिडियो सामाजिक सञ्जालमा भाइरल भएपछि उक्त घ’टनाबारे प्रहरीले वास्तविकता सार्वजनिक गरेको छ।भाइरल भिडियोमा ती विदेशी नागरिक नेपाल भ्रमणका क्रममा लु’टिएपछि भिक्षा माग्न बाध्य भएको दाबी गरिएको थियो। तर प्रहरीका अनुसार उक्त विवरण पूर्ण रूपमा सत्य नभएको स्पष्ट भएको छ।प्रहरीले जनाएको अनुसार ४८ वर्षीय ती फ्रान्सेली नागरिक विगत करिब ६ वर्षदेखि नेपालमै बसोबास गर्दै आएका छन् र उनकी श्रीमती नेपाली नागरिक हुन्।सामाजिक सञ्जालमा फैलिएको जस्तो उनका मोबाइल, ट्राभल डकुमेन्ट र ल्यापटप लु’टिएको नभई, चाबहिलस्थित एक होटलमा बस्दा बिल तिर्न नसक्दा ती सामान कोठामै छोडिएको पाइएको प्रहरीले जनाएको छ। उनी “पैसा ल्याउँछु” भन्दै केही समयका लागि बाहिर निस्किएका थिए।
ती नागरिक विभिन्न स्वास्थ्य समस्याबाट ग्रसित रहेको र फ्रान्स सरकारले मासिक भत्ता उपलब्ध गराउँदै आएको जानकारी पनि प्रहरीले दिएको छ। तर उनकी आमाको अप्रत्याशित दु’र्घटनापछि उक्त भत्ता रोकिएको जनाइएको छ।पछिल्ला तीन महिनादेखि उनी चाबहिलस्थित होटलमा बस्दै आएका थिए। साथै, उनको भिसा अवधि गत फेब्रुअरी १० मा सकिएको कारणले उनलाई अध्यागमन विभागको जिम्मा लगाइएको प्रहरीले जनाएको छ।प्रहरीले सामाजिक सञ्जालमा फैलिने अपुष्ट तथा भ्रामक समाचारमा विश्वास नगर्न सर्वसाधारणलाई आग्रह गरेको छ।
