एन्फाको आकस्मिक बैठकले ६७ करोडको बजेट परिमार्जनसहित पारित गर्‍यो

‘मिसन फिफा उमन्स वल्र्डकप २०२७/३१’ का लागि कार्यसमितिको उपाध्यक्ष दीपक खतिवडाको संयोजकत्वमा सरिला श्रेष्ठ मलेकु र पेमा डोल्मा लामा सदस्य रहने गरी समिति गठन गर्ने निर्णय पनि बैठकले गरेको छ ।

आपतकालिन समिति सदस्य विकासनारायण श्रेष्ठले दिएको राजीनामा स्वीकृत गरी उपाध्यक्ष दीपक खतिवडालाई त्यसमा मनोनयन गर्ने निर्णय पनि बैठकले गरेको छ । बैठकले लिग समितिको संयोजकको जिम्मेवारी उपाध्यक्ष विराटजंग शाहीलाई दिने निर्णय गरेको छ ।

बैठकले राष्ट्रिय खेलकुद परिषद्को व्यवस्थापनमा आगामी एसियाली खेलकुद प्रतियोगितामा महिला फुटबल टोलीलाई सहभागी गराउने निर्णय गरेको छ । बैठकले सन् २०२३ मै हुने महिला साफ च्याम्पियनसिपको तयारीका लागि फिलिपिन्ससँग मैत्रीपूर्ण खेल खेल्ने निर्णय गरेको छ ।

यसैगरी बैठकले सम्बन्धित क्लबहरूसँग छलफल गरी यू—१६ ए डिभिजन लिग आयोजना गर्ने निर्णय गरेको पनि एन्फाले जनाएको छ ।