कवि श्यामबहादुर भावुकद्वारा लेखिएको पुस्तक ‘फेरि जन्मन्छन् जन्मदैनन्’ विमोचन गरिएको थियो।
दायित्व वाङ्मय प्रतिष्ठान, नेपालको आयोजना तथा प्राध्यापक एवम् प्राज्ञ दिनेशराज पन्तको प्रमुख आतिथ्यतामा सम्पन्न एक समारोहका बीच विमोचन सम्पन्न गरिएको थियो ।
ब्रह्मवेत्ताचार्य अर्जुन विरक्ति तोत्रियको जीवनकथामा आधारित उक्त लोककाव्यको लोकार्पण गर्दै प्रा. दिनेशराज पन्तले— ‘लोकलयमा लेखिएका यस्ता कृतिहरू सर्वसाधारणले पनि बुझ्नसक्ने र जनमानसमा गहिरो प्रभाव छाड्न सक्ने भएकाले कवि भावुकले एउटा असल व्यक्तिको जीवनकथामा आधारित कृति लेखेर नेपाली साहित्यमा महत्वपूर्ण योगदान गरेको’ उल्लेख गर्नुभयो ।
उक्त कार्यक्रममा प्रमुख वक्ता प्रा.डा. रामप्रसाद ज्ञवालीले कृतिभित्रको सारतत्वलाई केस्रा केस्रा केलाउनुभएको थियो भने कृतिनायक अर्जुन विरक्ति तोत्रिय, कृतिकार श्यामबहादुर भावुक र कवि यादव भट्टराईले पनि आ–आफ्ना विचार व्यक्त गर्नुभएको थियो । कृतिभित्रका केही लाइन कविताहरू पाठ गर्ने कविहरूमा— डिल्लीप्रसाद मुलतिहुन, श्रीराम पौडेल, विष्णुमाया पौडेल, शिवनारायण जोशी, उर्मिला कोइराला र दीपशिखा मुखिया हुनुहुन्थ्यो ।
प्रतिष्ठानका अध्यक्ष रामप्रसाद पन्तको सभापतित्वमा सम्पन्न सो कार्यक्रममा गोरक्ष पीठाधीश श्रीनाथ योगीजीले आशीर्वचन प्रदान गर्नुभएको थियो भने भूमिकालेखक त्रय प्रा.डा दुर्गाप्रसाद अर्याल, कवि भुवनहरि सिग्देल र हास्यव्यङ्ग्यकार नरनाथ लुइँटेलले पनि शुभकामना दिनुभएको थियो । अन्त्यमा प्रायोजकको तर्फबाट कृष्ण अधिकारी र प्रकाश गौतमले यस्तो विशिष्ट कार्यक्रममा सहभागी हुन पाएकोमा कृतज्ञता प्रकट गर्नुभएको थियो ।
Trending Now
- ADB, Citi Sign Agreement to Support SMEs and Boost Trade Through Supply Chain Financing
- Italy to Host 58th ADB Annual Meeting in 2025
- ADB Governors Approve $1.42 Billion in 2023 Allocable Net Income
- Russia Announces Tactical Nuclear Weapons Exercise Amid Tensions
- Indian-American Astronaut Sunita Williams To Fly To Space Again
- Israel’s decision to close Al Jazeera TV
- उपेन्द्र यादवको पार्टी विभाजन, अशोक राईको नेतृत्वमा नयाँ पार्टी बन्ने
- सभामुखले प्रधानमन्त्रीसहित शीर्ष नेतासँग छलफल गर्ने
- वर्तमान संविधान अझै पूर्ण भएको छैन : प्रधानमन्त्री पुष्पकमल दाहाल
- मुलुक जोगाउन ठूला दल मिल्नैपर्छ : रमेश लेखक
Comments are closed.