काठमाडौं, २७ असार
काठमाडौं, चन्द्रागिरी नगरपालिका-२ नागढुङ्गाबाट नियन्त्रित लागूऔषध ४ सय ९७ एम्पुल डाईजेपाम र ४ सय ९७ एम्पुल नुफिन सहित भारत मोतिहारी महावीर नगर रक्सौल वडा नम्बर १९ बस्ने २४ वर्षीय बिशाल कुमारलाई सोमबार बिहान प्रहरीले पक्राउ गरेको छ । वीरगंजबाट काठमाडौंतर्फ आउँदै गरेको बा.४ ख ५०१६ नम्बरको बसलाई प्रहरी प्रभाग नागढुङ्गाबाट खटिएको प्रहरीले जाँच गर्ने क्रममा बसमा सवार बिशाललाई उक्त लागूऔषध सहित फेला पारी पक्राउ गरेको हो ।
कैलाली, गौरीगंगा नगरपालिका-९ शान्तिपुर बस्ने मेघराज पौडेलको घरबाट ३५ ग्राम अवैध लागूऔषध ब्राउन सुगर सहित घोडाघोडी नगरपालिका-२ शिवनगर बस्ने २८ वर्षीय हिक्मत बहादुर बम समेत ३ जनालाई सोमबार दिउँसो प्रहरीले पक्राउ गरेको छ । विशेष सूचनाको आधारमा खटिएको प्रहरीले उक्त घर तलासी गर्दा उक्त लागूऔषध फेला पारी उनीहरूलाई पक्राउ गरेको हो । साथै प्रहरीले उक्त घरबाट १० थान मोबाइल, लागूऔषध जोख्ने १ थान काटा, नगद ९५ हजार २०० नेपाली रूपैयाँ, नगद २ हजार १०० भारतीय रूपैयाँ, १ थान मोटरसाइकल, अन्य भन्सार छलिका मालसामान समेत बरामद गरेको छ ।
यस सम्बन्धमा प्रहरीले थप अनुसन्धान गरिरहेको छ ।
